335.valapula solapula vasaMta - వలపుల సొలపుల వసంత

Archive Audio link :  G Balakrishnaprasad
వలపుల సొలపుల వసంత వేళ యిది
సెలవి నవ్వకువే చెమరించీ మేను

శిరసు వంచకువే సిగ్గులు పడకువే
పరగ నిన్నతడు తప్పక చూచీని
విరులు దులుపకవే వెసదప్పించుకోకువే
సిరులనీ విభుడిట్టే సేసవెట్టీని

చేయెత్తి యెడ్డుకోకువే చేరి యానపెట్టకువే
చాయల నాతడు నీ చన్నులంటిని
ఆయములు దాచకువే అట్టే వెరగందకువే
మోయనాడీ సరసము మోహాన నీ విభుడు

పెనగులాడకువే బిగువు చూపకువే
ఘన శ్రీవేంకటేశుడు కౌగిలించీని
అనుమానించకువే అలమేల్మంగవు నీవు
చనవిచ్చి నిన్నునేలె సమ్మతించీ యాతడు

valapula solapula vasaMta vELa yidi
selavi navvakuvE chemariMchI mEnu

Sirasu vaMchakuvE siggulu paDakuvE
paraga ninnataDu tappaka chUchIni
virulu dulupakavE vesadappiMchukOkuvE
sirulanI vibhuDiTTE sEsaveTTIni

chEyetti yeDDukOkuvE chEri yAnapeTTakuvE
chAyala nAtaDu nI channulaMTini
Ayamulu dAchakuvE aTTE veragaMdakuvE
mOyanADI sarasamu mOhAna nI vibhuDu

penagulADakuvE biguvu chUpakuvE
ghana SrIvEMkaTESuDu kaugiliMchIni
anumAniMchakuvE alamElmaMgavu nIvu
chanavichchi ninnunEle sammatiMchI yAtaDu